Roman Notes

🔰♻️🔰♻️🔰♻️🔰♻️🔰

Hajj aur umrah ki fazeelat:-

🔰Hajj mabroor ada karnay wala janati hai.

🔰Umrah in tamam ghunahon ka kuffara hai, jo ghuzarishta aur mojouda umrah kay doran sarzad howay hoon.

🔰Hajj mabroor ka badla sirf jannat hai.

🔰Mabroor lafz “Bir” say nikla hai. Jis ka matlab hai “Naiki”, aur hajj mabroor ka matlab aisa hajj hai jis main sirf naiki ho.

🔰Islam main dakhil hona ghuzarishta tamam ghunahon ko mita daita hai.

🔰Hijrat karna ghuzarista tamam ghunahon ko mita daita hai.

🔰Mafhoom hadees:- Aur hajj karna bhi ghuzarishta tamam ghunahon ko mita daita hai. (Muslim)

🔰Mafhoom hadees:- “Jis nay Allah ki raza kay liyay hajj kiya aur us doran koi baihoda bat aur koi ghunnah na kiya tu wo us din ki tarhan ghunahon say pak ho gha, jis din us ki maan nay us ko janam diya.” (Bukhari)

🔰Mafhoom hadees:- “Pai dar pai hajj aur umrah karo, baishak yay ghunahon aur faqar ko is tarhan door kar daitay hain jis tarhan bhatti lohay ka mail kuchail door karti hai.”

🔰Hajj zindagi main ik bar farz hai, lakin agar Allah toufeeq dai tu dobara bhi kar sakhtay hain.

🔰Mafhoom hadees:- “Sab say afzal amal Allah aur Rasool (S.A W.W) par iman lana, jihad karna, aur hajj mabroor karna hai.” (Bukhari aur Muslim)

🔰Aisa jihad karo jis main takleef nahi. (Matlab hajj).

🔰Umda tareen jihad, hajj mabroor hai.

🔰Aurton ka jihad, hajj hai.

🔰Jab aurat hajj karte hai tu usay jihad kay barabar sawab milta hai.

🔰Mafhoom hadees:- “Ghazi fee sabeel Allah, hajj aur umrah ada karnay walay Allah kay mehman hain. Allah nay un ko bulaya, unhoon nay Allah kay hukum ki tameel ki, aur unhoon nay Allah say mangha tu Allah nay un ko ata kiya.”

🔰Mafhoom hadees:- “Ramadan main umrah ada karnay ka sawab hajj kay barabar hai.” (Abu Dawud)

🔰Hajj bhi fee sabeel Allah main dakhil hai.

🔰Mafhoom hadees:- Ramadan main umrah karnay ka sawab Nabi kareem (S.A.W.W) kay sath hajj karnay kay barabar hai.”

🔰Mafhoom hadees:- “Jo shakhs hajj, umrah ya jihad kay iraday say niklay aur usay rastay nain mout aa jayay tu Allah usay ghazi, hajj ya umrah karnay walay kay barabar sawab daita hai.”

🔰Allah pak har musalman ko apnay ghar ka deedar naseeb farmayay. Ameen

♻♻♻♻♻♻♻♻

Hajj ki farziyat:-

🔰Hajj aik farz ibaadat hai.

🔰Hajj Islam kay arkaan main se aik bunyadi rukun hai.

🔰Hajj sari zindagi main sirf aik baar farz hai.